මෙහිදී බාහිර ශබ්ද අවම වන නිසංසල වටපිටාවක් සහිතව දානය සඳහා සුදුසු වන පරිදි සුදානම් වී ඔබේ නිවෙස්වල හෝ කාර්යාලයේ සිටිය යුතුය. එවිට ඔබට සන්සුන් සිතින් මේ සඳහා සහභාගී විය හැකි අතර පැන් වැඩීම සඳහා අවශ්‍යවන භාජන ඔබ සුදානම් කරගෙන තබාගත යුතුය.

දානය සඳහා ස්වාමීන්වහන්සේට ආරාධනා කර බුදුරජාණන්වහන්සේට මල් පහන් සුවඳ දුම් පුජාකිරීමත් සමග දානයේ කටයුතු ආරම්භ කරනු ලැබේ. මෙහිදී පිරිත් සජ්ඣායනය සහ ධර්ම දේශනාවෙන් පසු පැන් වැඩීම සිදු කරන අතර සියලු දෙනාගේ සහභාගිත්වයෙන් ජලය පිටාරගලන තෙක් භාජනයට සෙමෙන් ජලය වත්කිරීම සිදු කරනු ලබයි. මෙමගින් රැස්වෙන්නා වූ කුසල් ඇඟවීම සිදු වේ.

දේශණාව අවසානයේ ස්වාමීන්වහන්සේලාට ආහාර පිළිගැන්වීම සිදුකරනු ලබයි. එය පාන වර්ග, ප්‍රධාන ආහාර වේලක් පළතුරු සහ පැණිරස වලින් සමන්විත වේ.

ස්වාමීන්වහන්සේලා දානය වැළඳීමෙන් අනතුරුව පූජා කරන ලද දානය නිමිති කරගෙන පිං පැමිණවීම සිදු කෙරේ.

පිංකම අවසානයේදී ස්වාමීන්වහන්සේට පිරිකර පූජා කිරීම සිදුකරන අතර ඔබගේ කැමැත්ත අනුව එය සිදුකර ගත හැකිය.